Follow by Email

الفنله الحمرا


لابـس فنلــه حـمــرا             ورايـح بـور سعـيـد
رجعت بكفن أبيــض            وفلحظه بقيت شهيد
قلت بقلـب جـــامـــد             الأهلي فريق عظيـم
ويوم ما أبطل أشجع            هاكـون ميـت أكيـــد


دبــروهـــا الـديـابـــه            بعقلهـم الـمـريـــض
فتـحـوا كـل الحـواجــز          واتفرجـوا من بعيــد
هجموا كلاب المصري          بعصيان مـن حـديــد
وفي عزالمـوت بتصرخ        اللعيبه يا ولاد التيت


حبك ليهم يا صاحبي            بيجـري في الوريــد
غندورنـا يــا غــالـي            روحـك بينـنـا أكـيــد
ودمــوع اسكنـدريــه            بحور موجها  شديـد
حور العيـن بتنــادي            عليك يا أحلى شهيـد


قهره أختك في حضني          نــار كل يـوم تزيــد
حتحـرق كــل ظـــالـم           وحسابهم مش بعيـد
الألتراس لا بلطجيــه           ولا شــويــه عـبيـــد
هينـادوا بالحــريــــه           وبـالـفـجـر الـجـديـد

هناك تعليقان (2):

  1. اوووووووووه من التالته ياشهيد اوووووووووووووه ثوره علشانك من جديد

    الله يرحمك ياصاحبي :(

    ردحذف