Follow by Email

صباحك يـا مـصـر

صباحـك يـا مـصر بالورد ريحته معطره 
عـلى كــل شــاب فـيـكـي غـلـب عـنتـــره 
على ثوار أرضك مش عالناس اللي ف طره


صباحك برئ من غير غرور ولا منظره 
راحت خـلاص أيــام الفسـاد والمسخـره
وعـيـون الحـرامي فيها الدمـوع مقطره 


يفيد بإيه البكا دي ذنوب في كتب متسطره
ولسه فلوسهم على المساجين متنطوره !!
يــاعم كفـايــــه بقــا نفخـه كدابـه ومنظـره


زمــان اتقـال للمعتقليـن قولـوا أنـا مــره
والنهـارده عرفوكم إيه أصـول المـرجله
خـلاص فــات وقــت الأسـف والمـعـذره


مالك يا مخلوع خايف صحيح من البهدله ؟
بيقولوا داخل في اكتئاب وانتحار ومهزله
بس لو فـكرت تهـرب حنقلبهـالك مجــزره


عشان دم الشـهـيد حتبقى نهـايتك مقـبـره
ونخـلي عيلتـك شمـال ويـميـن متنطــوره
روح نــور حـبـايبـك فـي سـجــــن طـــره 

هناك تعليق واحد:

  1. رآئعة، فِعلاً كلمآتِك فِ مِضمار الأحداث الحالية. :‘) عجبتني جداً، إستمرّي فِ كتآباتك، لِ أنها فعلاً رآئعة. بِ آلتوفيقْ يَ آحلى إيمـآنْ ، ~]
    من Hammam ·بتاريخ 09/07/11



    صبـاحك يــا مصر بالـورد ريحـتة معطـره عـلى كــل شــاب فـيكـي غلــب عنتــره على ثوار أرضك مش عالناس اللي ف طره بداية موفقة فى عالم التدوين خالص تحياتى
    من شوقى رجب بتاريخ 22/05/11

    ردحذف