Follow by Email

فدى بلادي تروح الروح


 فدى بلادي تروح الروح
 ولا أشــوفــها بتتعـــسـكر

نثور تــاني نقـوم تــاني
وبدم شـهــيـدهـا تتعـطـر

لا هـنـحـايــل ولا نـدادي
ولا يـحـكمـنـا شـيخ منصر

مضروب  ميت مره بالجزمه
وجــاي عـليـنـــا يـتـمـنـظــر

ابـو بـلـوفر عـامـل ثــوري
مـا ينـزل الـمـيدان ويتشـطر

يسقط الجنرال وكل حمار
واقــف لـجـيــل بـيـتـحــرر

ويسقط الرئيس القادم كمان 
ولا عـيـشـتــنـــا تــتـمــــرر


لســـه حـــاميهـا حـراميها
لأجــل الـنـظـام مـا يـتـسـتر

ويـعـود الـظـلـم والطـغـيان
ومـن تـانـي الـفـسـاد يـكـتـر

زور واسحل واسجن كمان
دي سطور في تاريخك بتتسطر


فـدى بـلادي تـروح الـروح
ولا ابـنـي فـي يـــوم يــكـبـر


يـثــور ويـهـتـف مـن تـاني
يسـقـط يسقـط حكم العـسكر

ولا أشوف بـيـاده تــدوس
عـلى شـوارع مـن المـرمـر

شـوارع ثمنها دم شهـيـد
عالحــريـه خــلاص قـرر

فدى بلادي تروح الروح
ولا مــاضـيـهــا يــتـكــرر

حنرجع تـــانـي للميادين
نـهـتـف ونـهـلـل ونـكـبـر

واحلف بترابك الغــالـي
لأبــدل مــرك بـالـسـكـر

واشوف الفرحة في نيلك
وعلى بحرك ادوب واسهر


وارجــع لحـضـنـك الغالي
تضمـيـنـي كـمــان اكـتـــر

ارتاح من الغربه والترحال
وفــيــكي أبــنـي وأعــمـــر

قاديرن على مهرك الغالي
وإرادتـنــا مـــش هـتـتـكـسر

ليست هناك تعليقات:

إرسال تعليق