Follow by Email

بـهيــة

مصـر يمّه يا بهيـة ياللي عملوكي تكيـة
الخرفان بيلهفوكي بالشريعة والشرعيـة

مصر يمّة يا عروسة لابسه فستان الفرح
واتغـدر فجـأة بعريسهـا فـي أراضي رفـح

مصر يمّه يا جزيرة فيها سحر وفيها حيره
استولى الجيش عـليـها بالسـلاح وبالذخيره

مصر يمّه يا مزلقان ينتهى بخمسين شهيد
كل حلمة أما يكـبر يبني فيكي من جـديــد

مصـر يمّه يا مزيكـا لحنها إسـلام وجيكــا
يضحكولك من الجنة ومتكئين على الأريكة

مصر يمّه يا فاتورة عالية وابنك عالحديد
قالها عيشه والسلام يمكن بكره يجيب جديد

مصـر يمّه يا مغارة والعصابة في كـل حـارة
في المزنوقة ثبتوني وما سبوش حتى السيجارة

مصـر يّمة يـا دستــور عاملين منـة شمـاعــة
طول ما لسه فينا روح مش حنسيبك للجماعة